काठमाडौं । नेपाल भएको काभा वुमन्स (महिला) नेसन्स लिगको फाइनल खेलमा भारतसँग नेपाल पराजित भएको छ । आज भएको फाइनल खेलमा भारतले नेपाललाई ३–२ को सेटले हराएको हो ।
काठमाडौंको त्रिपुरेश्वरस्थित कभर्ड हलमा भएकोलिगको फाइनल खेल प्रतिस्पर्धात्मक रह्यो । तर नेपाल इतिहास रच्नबाट चुकेको छ । यस प्रतियोगिताको उपाधि भारतले लगेको छ ।
त्रिपुरेश्वरस्थित राष्ट्रिय खेलकुद परिषद्को कभर्डहलमा आज भएको फाइनलमा भारतले नेपाललाई ३–२ को सेटमा पराजित गर्यो । खेलको पाँचौ तथा निर्णायक सेट १५–५ को जित निकाल्दै भारतले उपाधि जितेको हो ।
खेलको पहिलो सेट नेपालले जित्यो । करिब ३० मिनेट चलेक उक्त सेट नेपालले २५–२३ ले आफ्नो पक्षमा पार्यो । निकै प्रतिस्पर्धात्मक बनेको सेट २१–२३ को स्थितिलाई सुधार्दै नेपालले २३–२३ को बराबरीमा ल्यायो । त्यसपछि नेपालले लगतार दुई अंक बटुल्दै पहिलो सेट जित्न सफल भयो ।
खेलको दोस्रो सेट भने नेपालले गुमायो । करिब २१ मिनेट चलेको सेटमा भारतले नेपालविरुद्ध २५–१४ को जित निकाल्यो ।
Leave a Reply